【期匯決算】Yen短期睇138水平

【Now財經台】據日媒報道，將成為日本首相的石破茂上周五(27日)當選自民黨總裁後，日圓匯價回升，市場認為佢嘅貨幣政策立場屬於大鷹派，石破茂就任後，係咪好大機會利好日圓走勢？日圓喺9月及第3季都係表現最強嘅G10貨幣，9月累升3%，今季就累升13%，日圓仲有幾多上望空間？

ATFX亞太區首席分析師林銘添指，日圓會唔會進一步升值，重點唔喺政治問題，而係美元未來嘅走向，如果美國經濟數據走弱，美國聯儲局會繼續減息，喺美元跟日圓嘅息差收窄下，有機會令日圓進一步升值。

Martin又話，依家日圓嘅關鍵住睇138至140水平，如果可以突破呢個水平，有機會上望133至135水平，但會取決於美國減息進度及幅度，佢估計，美國減息周期會持續至2025年。