【期匯決算】一個因素限制人仔升幅

【Now財經台】A股噚日喺兔年首個交易日紅盤高收，但今日出現回套，但睇返資金流，外資噚日流入A股嘅規模約186億人仔，今日仍錄得逾百億人仔淨買入，係咪對人民幣都有一定支持作用？

資深外匯分析師陳欣指，市場對中國經濟復甦有信心，例如農曆新年假期旅遊出行人數高達3億人次，較舊年同期升逾20%，此外，過去幾年受疫情影響，銀行存款大升50%，反映家庭有能力消費，政府需有貨幣政策配合刺激消費潛力。

Chase提醒，雖然人仔前景向好，但要留意中美利差限制咗人仔上升空間，短線較大阻力喺6.7水平，中線則有機會升至6.6水平。