【期匯決算】美匯指數有機再衝105

【Now財經台】美匯指數跌穿月初聯儲局議息前水平，失守102關，跌至近1個月低位，其實美元基本因素冇變，係咪純粹技術調整？

資深外匯分析師陳欣指，美匯指數自高位回落至現水平，跌幅都唔算細，市場擔心聯儲局不斷加息，美國經濟係咪承受到，美國最近公布嘅製造業數據、消費信心、零售數據都令市場失望，導致美元回落。

Chase又話，歐洲央行可能會加息，歐元反彈令美元受壓，不過，美國整體經濟及貨幣政策好過歐洲，美元始終有一定支持，50天線水平，即101都有頗大支持，如果100關口撐得住，再機會再挑戰104或105。