【息賺】高息金融股揀大唔揀細？

【Now財經台】國際油價大幅回落，美國通脹好大機會已見頂，美國新增非農職位遠少過預期，加上美匯指數近期自高位回落，債市表現分化，以及債息短跌長升，呢啲因素點影響美國聯儲局今年加息預期？

獨立市場策略師何啟聰認為，美國聯儲局加息或減息須視乎核心通脹、就業市場情況，佢又指，核心通脹喺油價回落後已經冇再上升，估計未來1個月應會放緩，加上勞工市場嘅平均時薪冇上調，兩個數據都唔足以成為加息理據，因此，即使聯儲局加息，今年最多只會加1次，幅度0.25厘，佢認為，美國今年應該唔可能加息2至3次。

Ivan續稱，若人工智能(AI)持續發展，將導致RAM(隨機存取記憶體)、汽車及手機未來加價壓力增加，將加劇通脹壓力。佢又認為，如果美國將所有經濟押注喺AI，一旦市場情況反覆，投資者就會擔心長債風險及唔同債務問題，因此，美國長期通脹仍然唔明朗。

港股高息股方面，Ivan就話，睇返成個高息股板塊，包括內需及電訊股等，喺聯儲局主席沃什(Kelvin Warsh)喺上月中開完佢首個議息會議後，呢啲股份跌咗10幾個交易日，原因包括認為美國未來好大機會加息，以及好多外國文章提出中國經濟崩潰論，內需板塊一定首當其衝，因為擔心會減少派息、業績唔好，同埋美國一旦加息就會抽緊高息股資金流。不過，依家情況已經唔同咗，佢認為市場之前過分擔心。

至於國際金融有冇機會跑出，何啟聰就認為...