【息賺】袋企業債基金8厘收益有代價

【Now財經台】企業債門檻高，風險又大，買企業債基金可唔可以化解企業債嘅風險？企業債基金有咩優點及缺點？

獨立市場策略師何啟聰指，因為買企業債基金涉及購買幾十隻債，所以理論上可以分散風險。此外，有部分企業債基金可以提供到較高收益，坊間有啲企業債高收益嘅基金更可以提供到6至8厘嘅收益。

Ivan亦指，企業債基金都有壞處，若期內利率突然走高，或債券組合內有公司違約，或會影響所有基金嘅資產淨值，導致投資者損失。此外，利率較低嘅時候，低利息之餘仲要扣除管理費，長期跑輸國債收益。同時，投資者亦要承受由低息轉高息時債券價格下降嘅風險，因此，買債券基金除咗要留意收息，仲要留意債券價格嘅變化。