【息賺】股匯掛鈎存款產品 VS 定期存款

【Now財經台】市場一直有推出外匯或股票掛鈎存款產品，雖然提到「存款」字眼，但其實唔係一般存款，而係同股票或外匯掛鈎，亦有保本(外匯)掛鈎存款產品，適合想部署匯率走勢嘅投資者，呢啲產品可以比定存賺取更高息，但有咩風險要注意？

獨立市場策略師何啟聰指，呢類存款產品其實係一項投資，即投資者沽出相關資產嘅認沽期權，喺入手時要留意產品嘅到期日，因為利息係以年計，若產品兩個月就到期，就唔可以收取全年利息，但相對同股票掛鈎，外匯波動一般較細，風險較低，不過，呢啲產品唔屬於存款保障範圍內，一旦銀行倒閉唔會有補償。

至於保本(外匯)掛鈎存款，Ivan就指，一般嚟講，利息會比銀行高少少，如果投資者對某種外幣走勢有睇法，到期時就可獲額外利率，但外匯大升並唔常見，所以較難到價，即使利率唔到價，仍可收取略高於定存嘅利息。