【息賺】趁DeepSeek熱買數據中心REITs？

【Now財經台】近年喺人工智能(AI)熱潮下，帶動數據中心需求大增，相關房地產信託基金(REITs)亦成追捧對象，DeepSeek爆紅之餘，熱度更一直keep到，長遠會唔會繼續利好相關房託？揀呢類REITs有咩要注意？

香港大學房地產及建設系客席副教授楊書健指，純數據中心嘅REITs全球主要有3隻，分別係Equinix(EXIQ)、Dgigtal Reality(DRL)及Keppel DC REIT，其中，EXIQ及DRL喺美國上市，市值比領展房產基金(00399)大5倍至9倍，甚至喺AI熱潮出現前已經受追捧，不過，疫情前因市場擔心美國商場、寫字樓嘅房託表現，資金因為避險早已湧入數據中心REITs，令呢兩隻REITs股息率一直偏低，遠低於美或10年期債息，相對上唔太吸引。

Victor又話，數據中心REITs選擇少，而REITs喺成個經濟嚟講係一種融資手段，佢真正對手唔係其他REITs，而係「科技七雄」(Magnificent 7)，因為唔少大公司都會選擇自行買地起一間數據中心，多過直接交比外人做，所以，數據中心REITs最大嘅競爭對手反而係佢自己啲客。