我的股票

    名稱 現價 升跌

    資料報價延遲十五分鐘

    標籤:分析

    【息賺】美國加關稅加拿大最大鑊?

    【分析】 2025/02/03 15:39

    【Now財經台】美國明日(4日)正式向加拿大、墨西哥及中國呢3個貿易伙伴加關稅,市場其實意唔意外?今輪貿易戰對金融市場嘅影響會持續幾耐?

    香港大學房地產及建設系客席副教授楊書健指,市場都預咗會引發金融動盪,通脹亦會回升,今次最令市場意外係,美國唔止針對中國及墨西哥出招,亦向加拿大加25%關稅。由於美加關係長期都唔錯,所以好多企業會視加拿大及美國為同一條供應鏈,美國宣布加關稅後,唔少企業要立即變陣,更改供應鏈。

    Victor又指,依家加拿大向美國出口最多係原油,同埋喺美國煉油,然後再供應畀美國本土,或者出口去其他地方。美國總統特朗普(Donald Trump)指,今次向來自加拿大及墨西哥嘅能源產品,分別加10%及25%關稅,目的係鼓勵美國油田重新開採或加大開採力度,不過,重新開採需時幾個月。此外,由於現代煉油廠過於專項化,所以調整煉油廠需時,所以,雖然特朗普聲稱加關稅長遠對美國影響唔大,但短期嚟講,即6至12個月內一定會有影響,包括對美國通脹構成壓力。