標籤:分析
【息賺】加息周期尾聲!邊啲投資組合諗得過?
【分析】 2022/11/21 16:21
【Now財經台】市場普遍認為美國通脹開始放緩,憧憬聯儲局加息步伐將會放慢,隨著聯儲局12月開始可能放慢加息步伐,投資者係咪要開始部署調整投資組合?
成家網上投資課程導師徐冠鴻指,悲觀氣氛加上加息,投資者偏好定期,避免投資風險資產,但市場往往就會迎嚟反彈,預料2023年會平衡返少少,依家就係低位吸納呢啲資產嘅好時機。投資者可以考慮投資級別級債券,一啲大公司如發鈔銀行、知名地產商嘅債券都係90元水平,到期價為100元,債券喺冇違約嘅情況下,到期就可以獲利,睇返過往價格,90元水平屬歷史低位,投資者可考慮呢種低風險、有到期保本嘅投資。
諗Sir又話,近期亦多咗人留意美國國債,但門檻較高,一手要約100萬美金,有啲投資者會透過基金去投資,持有美國國債為主嘅基金喺10月尾開始反彈,喺大市V形反彈下,短時間內有大量買盤出現,屬於見底常見嘅現象之一。