【息賺】買穩袋3厘息優質股坐住等...

【Now財經台】美股及港股9月繼續尋底，恒指10月又開壞頭開，一度插穿17000關，睇返高息榜，市值最少1000億元，股息3厘以上嘅股份，基本上全部都要跌，唔少防守股、收息股都繼續破底。防守股、收息股表現都咁差，反觀息口大幅上升，令美元、港元定存息都有得加，資金寧願沽股票，轉做風險更低嘅港元、美元定存，反正賺到3、4厘息之餘，又唔使承受咁大風險。

香港大學房地產及建設系客席副教授楊書健指，短期睇有好多唔明朗因素，但睇返逾10年前嘅股市表現，當時都係10月表現最差，但近10年股市都推前咗，變咗9月表現最差，10月反彈，所以其實依家都唔需要太擔心，依家做較長期嘅定存都有3厘息，同某啲高息股差唔多，唔係做定期嘅投資者依家嘅心態都要睇遠啲，收集啲最優質嘅股票，收住息先，等市況遲啲好轉再部署。