【息賺】港樓價已反映美加息因素？

【Now財經台】美國聯儲局今個星期議息，而議息結果將會喺本港周四凌晨出爐，市場預期最少加息0.75厘，市場亦估計，本港銀行好快會加最優惠利率(P)0.25厘，依家1個月銀行同業拆息已升至2.44厘，市民供樓負擔明顯增加大，如果本地銀行係加P，會對樓市有咩影響？

成家網上投資課程導師徐冠鴻指，加息已經講咗好耐，但樓市指數跌得多都係近期嘅事，所以兩者關聯性唔高，現時樓市、利率期貨其實都係反映緊市場預期會發生嘅事，所以現時樓市嘅樓價、呎價都反映咗市場預期聯儲局呢1年會將利率由依家嘅2.25厘逐步上調至4厘，不過，如果美國通脹唔係升得咁勁，或聯邦基金利率唔會加到4厘，樓價可能會跌少啲，甚至止跌回穩嘅空間。