【息賺】內房、地產股資產負債表靚唔怕買

【Now財經台】內房股喺6月明明彈得唔錯，但7月爆出爛尾樓斷供風暴，內房股又冧過，內房從三條紅線到債務問題，再到爛尾樓風暴，係咪愈來愈難收科？如果投資者想撈底，係咪要等到有較好嘅解決方案出台先買貨？

香港大學房地產及建設系客席副教授楊書健指，依家嘅情況同十幾年前好唔同，因為依家香港債市蓬勃，所以留意股市之餘，都可以睇埋債市，係投資者層面，債券基金經理同股票基金經理係分開，所以私人資本嘅內房股債券利息或債價都偏低，市傳有基金要解體係因為買咗好多內房債，所以債市似乎未到底。

Victor又話，由於內房危機涉及民生，相信總有解決嘅一日，解決方法就係啲樓有人「埋尾」，咁就會有錢返，較穩健嘅國企內房股或本地地產股，如果今日嘅資產負債表仍然係靚，會係一個入手機會。