【財經TOP SEARCH】比亞迪股價跌因資金被「捲」走

【Now財經台】截至早上11時止，過去1小時內《彭博》用戶搜尋量最多港股，依次為比亞迪股份(01211)、澳博控股(00880)、信達生物(01801)、泡泡瑪特(09992)、實德環球(00487)。

比亞迪今日(10日)除權除息，股價今早輕微高開1%後，一度升2%，高見133.5元，集團喺3月底公布派現金股息及送紅股，加上公積金轉增股本方案，「1拆3」後期望股份吸引力會大增，但現時車市「內捲」，股價未來會點走？

富途證券首席分析師譚智樂指，比亞迪拆細後，入場門檻低咗會刺激股價向上，但考慮近半個月車市「內捲」，所以股價近期開始出現跌勢，並需時消化。

Arnold又話，現時比亞迪面對嘅問題係資金，因為近期唔係炒汽車，生物科技及消費股等先係第2季嘅炒作焦點。