我的股票

    名稱 現價 升跌

    資料報價延遲十五分鐘

    標籤:分析

    【專訪】港股今個蛇年唔再「畀蛇咬」有新景象?

    【分析】 2025/01/17 16:19

    【Now財經台】龍年仲有唔夠兩個星期就過去,恒生指數暫時累升逾24%,表現唔錯,即將踏入蛇年,從玄學角度睇,港股喺蛇年表現又會係點?邊啲行業喺蛇年特別旺或者要特別小心?

    中信里昂研究組分析師陳哲指,雖然港股喺過去4個蛇年都要跌,不過,即將來臨係「木蛇年」,喺「五行」,即「金」、「木」、「水」、「火」、「土」中,「木」寓意成長及生機,期望今個蛇年恒指可以有一番新景象。全年嚟睇,蛇年開局可能會有小波幅,但蛇象徵靈活,估計港股來年能夠順順利利。

    佢又話,如果從生肖角度出發,恒指本身屬雞,雞傳統象徵協同、促進人際關係及和合等,來年「木」、「木蛇」以及「雞」會出現協同效應,預期唔少企業有機會合倂。

    陳哲續指,「木蛇年」利「木」,醫療、教育及服裝等行業會有較好表現。此外,「水」喺蛇年亦相當強勢,相關行業如交通、運輸、物流及娛樂圈等,都相對有優勢。

    此外,「五行」中「木」生「火」,所以「火」相關行業如科技、傳統能源及新能源將會有唔錯嘅發展。

    至於不利嘅行業,蛇年「五行」相對缺「金」,建議投資者要小心同「金」相關嘅行業,例如銀行及金融服務業。