【公司專訪】東瀛遊:客量增長樂觀 復活節成轉捩點(上)

【Now財經台】本港旅遊業持續復甦，睇返航空公司或旅遊平台公布嘅首季營運數據，期內表現的確唔錯，更出現疫後報復式旅遊嘅情況，今年復活節嘅旅遊情況，同疫情前比較相差幾遠？

東瀛遊執行董事禤國全表示，舊年10月至12月疫情進入尾聲期間，雖然消費價格較高，但好渴望去旅行嘅客人都願意使呢筆錢，出遊數量回復至疫情前約15個百分點，到農曆新年開始爆發旅遊潮，當時同疫情前比相差約30%，而最大嘅轉捩點係復活節，客群平均年齡年輕咗，意味家長對疫情開始放心，願意帶小朋友去旅行，帶動3月及4月復活節嘅出遊數字升至相等於疫情前約60%，至於5月及6月嘅數字比預期行得更快，到依家已超過原本預期暑假去返疫情前約70%，客人數量增長樂觀。