【智識賺】2026年要加倉Nvidia？

【Now財經台】英偉達(Nvidia)行政總裁黃仁勳宣布，新一代人工智能(AI)運算平台Vera Rubin已全面量產，又話準備推出全球第1款識思考、識推理嘅自動駕駛汽車AI模型Alpamayo，但消息似乎幫唔到Nvidia股價，昨晚(5日)收市偏軟，點睇Nvidia股價喺2026年嘅表現？

易方資本投資組合經理王逸研指，美股中小型股2026年開局表現好過大型股，但全年計，佢就睇好大型晶片股。

Isaac續指，佢睇好Nvidia係因為集團整體供應鏈強勁，加上美國對中國嘅出口限制進行動態調整，Nvidia接到嘅中國定單數量遠超現時嘅產能水平，同埋集團旗下嘅多模塊、液冷軟件都係熱賣產品，亦能夠緊貼市場需求。