【智識賺】小米500億人仔「造芯」大計

【Now財經台】小米集團(01810)發布自主研發手機晶片「玄戒O1」，研發歷時逾4年，投入約135億人仔，「玄戒O1」對公司前景會帶嚟咩變化？集團董事長雷軍透露，未來10年最少投資500億人仔「造芯」，係咪好值得期待？

易方資本投資組合經理王逸研相信，資金會用作晶片迭代，依家晶片主要用喺手機及平板系列，未來相信會擴至汽車，現時小米有SU7及YU7兩款電動車系列，小米只需要將手機晶片多餘功能鏟除，並加入安全性模組，就可以推出自家汽車晶片。

Isaac又話，依家小米靠其他公司提供晶片，喺產品方面冇優勢，所以好難提升產品單價，不過，自家研發嘅芯片有助公司實現提升性能，並提供更好嘅客製化體驗，就可以趁機提升產品單價，繼而推高毛利率。