【智識賺】點解GTC大會炒唔起Nvidia股價？

【Now財經台】英偉達(Nvidia)喺之前嘅舉行GTC大會(GPU Technology Conference)介紹集團一系列新產品，包括Isaac Groot N1、開源物理引擎Newton等，值得留意係，有別於以往，Nvidia股價今年喺會議後反應相對「冷靜」，係咪代表今年GTC大會冇乜驚喜，所以股價炒唔起？

易方資本助理基金經理王逸研指，GTC大會係講解Nvidia未來嘅GPU計劃，同埋更長遠嘅Rubin及Feynman路線圖，其實同投資者之前預期嘅會議內容一樣，所以的確係冇太大驚喜，導致股價表現相對「冷靜」。

Issac又話，Nvidia大部分盈利一向由軟件包裝硬件再出售所得，唔係只靠賣軟件，加上人工智能(AI)時代非常依賴數據，尤其係機械人，Nvidia今次開發嘅項目作為一個Demo去幫助補足數據，令機械人時代嚟得更快。