【智識賺】AI Agent全面取代人手成明年趨勢？

【Now財經台】最近人工智能代理(AI Agent)及人工智能(AI)應用成為半導體市場新主題，更多公司明白到使用AI可以節省經營成本，聘用更少中低級員工，同時以AI軟件提高生產力，以Salesforce及ServiceNow為例，分別推出Agentforce及Now Assist兩款AI助手，令企業減少喺客戶關係管理(CRM)及企業資源計劃(ERP)聘用嘅人手，下游AI應用愈來愈來廣泛，需求日漸上升，支持AI晶片、記憶體、網絡等應用，係咪能夠帶動半導體設備需求上升？

易方資本助理基金經理王逸研指，的確會帶動需求上升，由於市場較多憧憬放喺呢項發展上，新型AI Agent可以成為新增長動力，以往AI主要輔助員工工作，但公司仍要聘請人手監管AI工作，但新型AI Agent唔需要人類輔助，可自主完成工作，有助公司開源節流，因此有潛力成為明年值得關注嘅趨勢，對金融、會計及法律等垂直行業有好大幫助，OpenAI嘅複雜推理或邏輯數理能力亦已增強，明年相信會係AI軟件商業化重要嘅一年。