【輪證贏家】恒指牛等做多次Swing Trade算啦

【now.com財經】噚日揀咗隻恒指熊(67464)出嚟，等到大約10點50分有見五分鐘圖上嘅Slow STC(14.3)%K線上到超買位，但下一個五分鐘見Slow STC(14.3)兩線一齊向下，(67464)偷位出場的話，未完上半場前都可以飛快地吞咗呢一注；若然Hold到下半場開市見指數向下挫一挫到保歷加底線先走嘅話，仲可以執多幾格。

今日北水終於都返嚟，指數高開後即見低走，作戰室雖然都係Plan住出好倉，而係見指數高開即低走後，選擇於五分鐘圖上見指數借得住10線企住而出。10點未到指數見日內新高後，作戰室已執100點好倉正數。

10點後有見指數於小時圖上出長下影線抽返上去所有平均線之上，但同時亦於五分鐘圖噚日裂口頂(26,095點)+日線圖100線(26,101點)+小時圖噚日裂口頂(26,091點)呢三個位擺得太近啦，所以走咗嗰一注好倉之後，都等緊五分鐘圖整條保歷加通道向上運行嘅話，指數同Slow STC(14.3)出返Swing走勢，咁之後再出倉就可能會用返保歷加頂線同10線夾住指數咁做。

恒指牛(69411)，收回價25,788點，同現價有約347點距離，槓桿有約74.5倍，依家10點22分有見指數愈升愈有，單靠保歷加通道口拓闊來迫Slow STC(14.3)出超買再超買。進取的見指數回落返去五分鐘圖10線有支持小注再追；安全嘅當然用返Slow STC(14.3)超賣位觸底上而做一趟Swing Trade啦。

作者阿珊，以技術分析玩輪證，唔貪心，努力賺取我家肥貓罐罐ฅ^•ﻌ•^ฅ。

想睇埋美日台股、金油匯幣ETF嘅玩法，請往Patreon搜尋「cbbcwar」；新書《風暴中的小資理財聖經》已於Google Book Store上架，可免費試閱。

資訊只適用於合資格的香港投資者。本文章涉及瑞銀以外第三方機構代表之意見，其所發表的言論和觀點僅代表該第三方機構及/或其代表之個人立場，並不代表瑞銀及與瑞銀無關。資訊由瑞銀集團提供，其僅作參考，並不構成買賣建議、邀請、要約或游說。瑞銀為結構性產品的發行商，瑞銀及其成員、其聯屬公司及董事及僱員可能持有本資料所述證券之權益（作為主事人或其他）。結構性產品並無抵押品。如發行人無力償債或違約，投資者可能無法收回部份或全部應收款項。結構性產品價格可急升或急跌，投資者可能會蒙受全盤損失。過往表現並不反映將來表現。牛熊證備強制贖回機制而可能被提早終止，屆時(i) N類牛熊證投資者將不獲發任何金額；而(ii) R類牛熊證之剩餘價值可能為零。投資前應瞭解及自行評估有關風險，並諮詢專業顧問及查閱上市文件内有關結構性產品的全部詳情。UBS Securities Hong Kong Limited為結構性產品之流通量提供者，亦可能是唯一報價者或巿場參與者。© UBS 2026。 版權所有。