【輪證贏家】留意小時圖10/20線

【now.com財經】噚日揀咗隻淡倉出嚟，如果係借五分鐘圖Slow STC(14.3)超買超買向下出動，純綷咁樣嚟行一趟Swing的話，咁應該喺上半場臨完場之前有位出，持貨過Lunch再去到大約1點25分左右見返Slow STC(14.3)兩線落返去超賣位，就可以收工。

雖然之後有再見指數再行出低位，不過一來Slow STC(14.3)之前已經到咗超賣，嚴守策略之下淡倉理應先走；二來再捉Swing出淡倉係未有再見Slow STC(14.3)上多一次超買，最多都只係上到中軸水平(同樣地指數都係上到中軸就被擋路)，借半層保歷加通道呢個玩法喺作戰室經常用得到，但喺文裡面就比較少，因為寫得嚟再Post出去再到你睇完，佢已經行完。

今朝指數開升80點，報22,856點，開市後見指數下行，本以為又玩開高低走，但落到同噚日尾市時段築底位約22,755點後見止步，依家仲有4分鐘就到10點，作戰室今朝出完淡倉追落之後已經反咗手好倉追升都差不多開始數格仔收工。

睇返恒指小時圖，其實都見到呢幾日指數都借得到小時圖20線嚟定住，雖然條20線都開始有見打橫行嘅情況，但其實接得住嘅話，指數都仲叫做喺保歷加上升通道裡面運行，走勢上對好倉都仲係有利。

恒指牛(69560)，收回價22,480點，稍稍企低於22,500點，同現價有約375點距離係用嚟做Day Trade嘅，槓桿有約53.2倍係附近收回價熊證之中槓桿最高。

諗住係借小時圖10/20線企住再上嘅，但係依家10點13分見五分鐘圖上Slow STC(14.3)兩線已經上到超買位仲見咗觸頂向下，簡單啲，用佢嚟做一趟Swing的話，我諗你識玩啦？係啦，就係等Slow STC(14.3)落到超賣位見觸底時出動；進取嘅見到有線接住上嘅，咪行先囉。

我唔知到到出文後再睇完之後個市變成點，我只係知道依家10點15分作戰室應該反手淡倉作為今日第三注已經掟咗出去，無咩事我都返GP先。

作者阿珊，以技術分析專心玩輪證，唔貪心，努力賺取我家肥貓罐罐。

直接去Patreon七日免費試用即市作戰教室：https://www.patreon.com/join/cbbcwar