【輪證贏家】五分鐘圖即追恒熊

【now.com財經】噚日見指數高位掂一掂條250週線之後出「射擊之星」嘅樣，向下回落壓到去收市時連21,300點都保唔返，棄Call轉熊拉上補下都仲見正數。

依家9點19分，睇住期貨升咗200幾點，再次上返去21,600點附近位置，呢個位同250週線(21,660點)&10/10日線圖高位(21,622點)算是相約，而噚日指數高位係21,682點，216XX點呢個位要過嘅話，睇嚟都係要一鼓作氣企得住先得。

今朝指數開市升231點，報21,526點。開市後指數Chok咗一陣之後開始有見向下走，但係走咗15分鐘，指數喺五分鐘圖向下落極都係落到100線，仲要只係得下影線穿過，反應未嚟得切之下一支「極大陽燭」將指數重新抽高多一次。

小時圖上見今日指數大裂口向上，跳返上去10線樓上，然而保歷加通道口有見收窄，Slow STC(14.3)兩線擺位處於中軸位，睇嚟可以Mark得到指數用保歷加頂線同中軸行Swing。

10點未到指數追返上去21,600點位置，拎返之前Mark住嘅250週線同10月10日高位出嚟做量度線，作戰室開始食好倉，文都未出21,700點都到埋，你話點算好?!

做返普通五分鐘圖行Swing嘅，Slow STC(14.3)依家兩線上到超買位，暫時(依家10點9分)高位見21,725點，開始有見上影線出現，再慢慢變成「射擊之星」，恒指熊(54381)，收回價22,114點，同現價有約650點距離，槓桿有約34.2倍都夠做Day Trade，依家10點13分喺五分鐘圖上高位出咗「十字星」，我都係好擔心到出水再睇完之後，隨時指數落返去10線後企穩當無事發生；如果係嘅話，你入嚟作戰室再睇下之後點玩。

作者阿珊，以技術分析專心玩輪證，唔貪心，努力賺取我家肥貓罐罐。

Patreon作戰教室七日免費體驗：https://www.patreon.com/join/cbbcwar