【輪證贏家】恒指熊博殺重貨牛

【now.com財經】今朝起身真係特別凍，雖然我家肥貓說穿了都只係一隻前浪浪，但都要顧及一下佢嘅腸胃，晨咁早起身用熱水暖咗一罐罐罐比佢，「貓食熱嘢?!」唔係，暖暖地啫，因為有一種凍叫做「阿媽覺得你很凍」。

10日後特朗普再度登上美國最高嘅寶座，此前市場都已經開始估計特朗普上場之後個世界將會變成點，「第二次啦喎，copy上一次嘅玩法啫...」唔係架，今次你當加多咗一個Elon Musk陪佢玩，成個遊戲已經唔同晒。玩開美股嘅朋友，留意一下呢段時間美股會唔會抱強烈嘅觀望態度啦。

嗰邊觀望唔等於呢邊有得玩，涉及成個世界嘅嘢，呢邊都可能一齊觀望，噚日指數高低波幅200點都無。見今朝開市升87點，開市報19,328點，比噚日開得靚仔，希望今日有啲嘢玩下啦。

開市15分鐘後，作戰室嘅過夜好倉同即日淡倉已經先吃暖胃，小時圖亦開始見指數向下是走歉一過10線，依家等睇嘅係10點後小時圖係咪擺位低於10線先。

仲有3分鐘先至到10點，作戰室啲淡倉都食得八八九九，餘下嘅一一二二都係得返啲風箏注。

10點後指數如願地低走於10線，作戰室嘅淡倉繼續分段食下去，依家10點4分出完文到你睇完再去淡倉嘅話，就係博指數向住重牛19,000至19,099點呢層出發。唯一要留意嘅係五分鐘圖Slow STC(14.3)已經入超賣範圍，言則五分鐘圖嘅保歷加通道口要keep住拓闊，咁指數先至再有位向下行。

恒指熊(65614)，收回價19,7500點，同現價有約500點距離，槓桿有約33.7倍，安全距離兼夠槓桿做到Day Trade，但唔係依家出，進取嘅見指數同Slow STC(14.3)出觸底後上到中軸線唔過，博指數於保歷加「下降通道」連行而出可以；安全嘅用返Slow STC(14.3)觸頂向下Swing落而出亦得。

小時圖10/20線記得Lock記，反過來如果指數等再肥啲牛牛先至食嘅，咁用隻(65614)普通Swing trade玩一轉囉。

作者阿珊，以技術分析專心玩輪證，唔貪心，努力賺取我家肥貓罐罐。

Patreon作戰教室七日免費體驗：https://www.patreon.com/join/cbbcwar

資訊只適用於合資格的香港投資者。結構性產品由瑞銀發行，瑞銀證券為流通量提供者，可能是唯一報價者或巿場參與者。結構性產品價格可急升或急跌，投資者可能會蒙受全盤損失。過往表現並不反映將來表現。投資前應瞭解有關風險，並諮詢專業顧問及查閱有關上市文件。