標籤:61698
【輪證贏家】恒指牛等STC等轉向
【輪證】 2024/11/29 10:23
【now.com財經】話咁快又嚟到11月最後一個交易日，過埋今日就真真正正嚟到2024年嘅尾聲，如果今年投資表示做得好過上年嘅，餘下一個月提早收爐都真係無乜所謂；但如果同志們仍須努力的話，真係唔好氣餒，劍唔係一日就磨得成，但喺磨劍期間學識磨劍技巧先至最重要，因為佢係絕對可以幫到你未來嘅表現一定會好過今日。
指數今日開市先跌20點，報19,346點，不過見期貨著緊綠色燈。等多一陣指數正式開市之後都即刻轉燈，19,400點再次重奪；但剛好撞正小時圖嘅50線，遇線回係合理嘅，所以喺五分鐘圖上亦都見到一粒教科書式嘅「射擊之星」出嚟，問題係：依家指數咬19,400點都咬得幾狠。
仲有1分鐘10點，返小時圖本來今朝見指數上破10/50線，以為一個「小圓底」就此生成，但高開低走到依家指數再次見紅後，指數回落返去今朝開市水平，指數只能於小時圖嘅20線同10/50線之間上落。
坦白講睇咗市半個鐘到，今朝早段時間例chok之後，其實到依家都唔係行得好穩，就算依家見Slow STC(14.3)兩線向下未到超賣，喺呢度先揀定隻好倉，等出完文再睇完文之後，博Slow STC(14.3)出返觸底向上，可能隨時Slow STC(14.3)未觸底就已經上咗去。
試下，恒指牛(61698)，收回價19,030點，，同現價有約350點距離，槓桿有約42.1倍夠玩，睇下你睇完文之後條Slow STC(14.3)點先啦。
作者阿珊，以技術分析專心玩輪證，唔貪心，努力賺取我家肥貓罐罐。
Patreon作戰教室七日免費體驗：https://www.patreon.com/join/cbbcwar
