【輪證下半Part】恒指牛 等緊通道口拓闊再上

【now.com財經】今朝喺【輪證下半Part】揀咗隻恒指牛(52481)出嚟，以見五分鐘圖50分鐘線(五分鐘圖10線)有支持先至出手，同時Set定以小時圖失100小時線(小時圖100線)為止蝕位。

喺今朝大約10點45分左右，指數喺五分鐘圖上見行出先高後低、接近「圓頂」格局但未完全成形後，忽然上破50分鐘線，其後見指數都保持於50分鐘線之上，喺10點45分起計10分鐘作為入場時間，期內(52481)高低位做過0.058元/0.052元，平均買入價為0.055元。

落咗場之後指數開始有見橫行情況，五分鐘圖上嘅保歷加通道仲出現收窄，但就仍然企喺50分鐘線之上，小時圖更加未見失100小時線，(52481)守穩兼安心過Lunch。

嚟到1點25分，指數下半場開市後一度高衝升逾500點，其後稍稍回落，至依家見雖然保歷加通道口有再收窄，但指數仍然企喺保歷加上升通道，期望稍後時間保歷加通道口再拓闊時，指數可以再乘保歷加上升通道向上，咁(52481)就可以完成今日Day Trade。

至於美指嗰邊，其實噚日喺作戰室留低咗三條指數嘅Call出嚟比大家去揀，其實三條指數走勢都差唔多，不過，當中道指日線圖走勢有得再多少少進行量度，事關見指道指噚日出反彈後，高位有頂住日線圖上嘅10天線，而整粒燭有似「十字星」嘅走勢出現，而整條保歷加通道有見開向下嘅情況，換言之指數有機會上破10天線，向20天線出發，亦即指數有可能於保歷加下降通道出現Swing Trade。

有得量度就好啦，就見觀察住條10天線，睇睇指數點樣行先，不過呢個結果應該要聽日返嚟先見到，唔駛咁早揀輪住啦。

作者阿珊，任財經/投資版傳媒人十幾年，《鐘擺戰略贏港股》、《輪證基礎筆記》及《傻寶不懂的技術分析》系列作者。用技術分析專心玩輪證，唔貪心，志在搵餐下午茶。

想入作戰室？Click呢度就得：https://www.patreon.com/cbbcwar

FB：https://bit.ly/3uixP4Y