【FINTERVIEW】 AMD績後急瀉衰CapEx大升(上)

【Now財經台】美國晶片商超微半導體(AMD)昨晚(4日)出咗業績，雖然上2季收入、經調整每股盈利都好過預期，但今季收入預測低過市場預期上限，令市場失望，拖累AMD股價喺昨晚美股收市後延長交易時段重挫逾8%。除咗今季指引令市場失望，股價係咪都升到高位都係另一個跌因？

星漢資產管理行政總裁王榮昆表示，其實AMD股價之前都跟隨費城半導體指數(SOX)升咗唔少，加上昨晚市場氣氛比較錯失焦慮(FOMO)。James又話，市場對AMD最大憂慮，除第3季收入預測略低過預期外，資本開支(CapEx)多過去年同期近3倍，都係一個致命位，對比亞馬遜(Amazon)、微軟(Microsoft)現階段反而縮減CapEx規模，AMD資本開支大增一定嚇怕市場。