【FINTERVIEW】英Sir:美股下半年博增長、港股博收息(上)

【Now財經台】港股上半年表現強勢，3大指數升近20%，美股方面，雖然3大指數上半年只得唔多，但標指及納指都破頂。展望下半年，應該點配置港股及美股？

黃國英資產管理創辦人黃國英指，港股近兩個月已經開始「笠」，年初因為DeepSeek冒起，人工智能(AI)主題帶起成個港股，但關稅戰後再抽升嗰轉，焦點其實已經轉咗，由中特估概念股及新興增長點帶住個市，以泡泡瑪特(09992)及生物科技股為首，亦反映北水影響力大咗，反觀傳統ATM科技股就差咗好多。

睇返上半年嘅格局，Alex認為港股係先高後弱，反而美股因為AI基建再抽升，加上愈來愈接近減息時間，所以美股近期全線回勇，傳統股表現都明顯好轉，並漸入佳境。

資金配置方面，Alex就話，比例上未必差太遠，但要因應波動性做部署，因為香港股票波幅小，相對安全，可以以守為主，大注咁買內銀或個別高息股，相反，美股波幅相對大，就唔可以重注。

佢認為，美股前景較樂觀，可以博增長，港股就可以博收息及穩住組合。