【FINTERVIEW】美股風險胃納增？(上)

【Now財經台】市場觀望喺倫敦舉行嘅中美經貿談判進展，美股3大指數昨晚(9日)個別發展，其中，標指收市升穿6000點，納指現時距離歷史高位僅約3%，有「恐慌指數」之稱嘅VIX指數已回落至20樓下，係咪反映美股追逐風險(risk-on)情緒高漲？

星汗資產管理行政總裁王榮昆指，VIX喺過去9個星期嘅跌幅係「解放日」以來最大，反映企業、專業投資者及個人投資者嘅風險取向有所提升。

James補充，如果想評估投資者對風險產品嘅態度，可以透過分析美股嘅PUT/CALL，雖然近日個市彈返上嚟，但風險資產交投量正逐步下降，氣氛唔算興奮。佢又指，企業及專業投資者對風險嘅興趣回升速度比散戶快，反映散戶對美股相對冇咁樂觀。