【FINTERVIEW】美2月CPI未反映關稅影響

【Now財經台】美國2月通脹降溫，市場對聯儲局減息預期升溫，但市場對關稅嘅憂慮持續，美股3大指數昨晚(12日)個別發展，其中，道指反彈82點。美國上月核心消費物價指數(CPI)按月升0.2%，按年則升3.1%，兩者都低過預期，較1月有所降溫，美國通脹係咪會持續回落？

資深經濟學家林樵基認為，由於通脹數據有滯後因素，所以未能完全反映關稅嘅影響，因此，投資者唔應該咁快就認定通帳會持續急速回落。佢又提醒，現階段可以肯定的是，美國關稅政策一定會為全球帶嚟負面影響，而美國經濟會唔會因而陷入衰退都要稍後先可以判斷到。佢相信，當有數據顯示經濟表現愈來愈差，聯儲局就會出手。

Benny又認為，依家唔適宜預測美國債息會唔會出現倒掛，事實上，美國進行多次量化寬鬆(QE)搞亂美股，令全球資金流動愈來愈快，所以市場會關注美國關稅政策，點影響美國及全球經濟。