我的股票

    名稱 現價 升跌

    資料報價延遲十五分鐘

    標籤:分析

    【FINTERVIEW】揸重科技股散戶或要諗減磅(上)

    【分析】 2025/02/05 11:34

    【Now財經台】美國總統特朗普(Donald Trump)嘅關稅消息滿天飛之餘,又不斷彈出彈入,最受呢啲消息影響一定係出口相關股,導致股價近期大幅波動,周一(3日)大跌後,昨日(4日)就勁彈,但今朝(5日)又回套,出口股係咪要避一避?投資者又有咩要留意?

    摩根資產管理環球市場策略師周奐彤指,市場對美國關稅政策仍有好多問號,徵幾多關稅、前景點樣、瞄準邊個範疇,全部都冇人知,所以佢建議投資者要對出口相關股謹慎少少。不過,亦可以嘗試喺出口敏感度低嘅市場「尋寶」,例如日本、印度及東南亞,呢啲地方過往喺強美元下,表現都相對較好。

    Marcella建議,投資者除咗要分散風險,亦要定時檢視自己個盤,尤其係之前重注科技板塊嘅投資者,可能要諗下使唔使減下磅,分散風險到其他板塊。