【FINTERVIEW】美息明年走向難料？

【Now財經台】美國10月核心個人消費支出(PCE)物價指數升幅擴大，反映遏通脹進展停滯不前，市場對美國聯儲局減息預期降溫，令明年息口走向更不明朗，到底美息走向會唔會出現重大轉變？

安柏環球金融首席投資總監雷志海認為，美國通脹情況唔會重返十幾年前嘅低水平，因為之前去環球化及去中國化發展，導致商品價格回升。另一方面，美國候任總統特朗普(Donald Trump)政策不明朗，可能會大規模遣返非法移民，令勞工市場供應大減，導致工資上升，繼而推高通脹。

佢續指，投資者應對美國未來通脹預期作出調整，因為美國高息環境有機會持續更長時間(higher for much longer)，所以必須留意呢啲會影響息口走向嘅因素。