【FINTERVIEW】買金抗通脹靠唔住？

【Now財經台】近期黃金走勢相當唔錯，金價愈升愈有，市場普遍預期，金價可以升至每盎司2800美元水平，不過，11月有美國總統大選、聯儲局議息及人大會議等多項大事件，可能會影響金價走勢。此外，有「恐慌指數」之稱嘅VIX，今個月累升逾20%，反映市場正在避險，亦緊貼股市，點睇金價走勢？

安柏環球金融首席投資總監雷志海指，單睇10月較難評估金價走勢，但今年表現比預期好，不過，金價走勢較難捉摸，始終有別於其他有特定工業用途嘅基本金屬，因此，較難以經濟角度評估黃金需求。

John又指，內地金價與國際金價對比持續有溢價，反映有較多人買金，但佢認為唔需要特別去追入黃金，若整體經濟好轉，預期金價會持續向好，現時用黃金對抗通脹已變得唔太可靠，而影響金價嘅資訊透明度亦較低，或有滯後情況，投資者要留意11月即將發生嘅大事件，但長遠而言，估計金價走勢會趨向正面。