【FINTERVIEW】李智穎:買債年期唔好太長因為...(上)

【Now財經台】環球股市上周經歷「黑色星期一」，導致避險情緒升溫，債市一度成為「避難所」，資金不斷湧入債市，美國10年期債息一度跌穿3.7厘水平，但近日逐步回升至4厘水平，美息未來會點走？長債有較大吸引力，依家將資金配置喺債市係咪一個好時時機？

瑞銀財富管理投資總監辦公室大中華區股票主管李智穎表示，債市變動最關鍵係息口，當息口跌，債價就會升，投資者唔應該將所有資金投放喺定期存款，當息口出現變動，債價第1浸升幅會好明顯。

Eva續指，市場預期，美國聯儲局喺9月至年底會減息1厘，但亦有分析認為只減0.5厘或0.75厘，依家債價仍未完全反映，投資者可以考慮揀投資級別債券，或年期5年以內嘅債券，最重要係年期唔好太長，始終息口走向仍未明朗，時間長債價就會十分波動。

李智穎又估計，聯儲局9月將會減息0.5厘，11月及12月就各減0.25厘，今年合共減息1厘，當美元跟其他貨幣嘅息差開始收窄，美元好大機會轉弱。