【FINTERVIEW】聯儲局明秋開始減息？(上)

【Now財經台】憧憬息口見頂，加上美國債息向下及大型科企股價破頂，美股3大指數昨晚(20日)齊升，其中，以納指表現最強勢，升逾1%，市場開始討論係時候炒減息，到底聯儲局幾時開始減息？美國通脹持續降溫，未來會唔會再回升，導致聯儲局要再加息？

滙豐環球私人銀行及財富管理亞洲區首席投資總監范卓雲指，依家預期聯儲局明年初就開始減息係言之尚早，雖然滙豐亦預期美國加息周期已經完結，但佢認為美息會維持喺現水平直至明年中，因為現時美國經濟表現比市場預期堅實，增長動力穩健，隨著美國經濟「軟著陸」訊號漸趨明朗，帶動美股造好，而滙豐亦會繼續增持美股。

范卓雲又話，若美國經濟能成功「軟著陸」，估計美國通脹今個月會進一步回落，並預期聯儲局明年第3及第4季各減息1次，每次減0.25厘，屆時可望帶動港股復甦。