【FINTERVIEW】內地再爆疫 點解港股咁淡定？

【Now財經台】內地早前推出「優化防疫20條」，市場解讀為釋出微調或放寬疫情控制措施嘅訊號，消息一出，股市表現亢奮，恒生指數裂口大升，更炒到逼近18500點，但1星期過去，冷靜落嚟，見到社會活動限制根本冇放寬，反而因疫情再升溫而有收緊跡象，港股亦掉頭回落。市場本來對內地放寬防疫措施有好大憧憬，結果係咪證明又炒錯？

東亞銀行投資產品及顧問部股票策略師陳偉聰指，其實可以先觀察市場反應，根據過往經驗，當內地單日感染個案達20000宗，或收緊疫情防控措施，大市應該唔止跌百幾點，如果好似年初全面封城，恒指單日跌500至600點，甚至跌更多。

Jason又話，雖然內地疫情近期持續升溫，封控措施亦持續，但市場表現相對冷靜，原因係大家都有一個共識，就係所有防疫政策都係慢慢微調，但動態清零嘅大方向政策亦講明唔會變。