【FINTERVIEW】「二十大」後內地經濟雨過天晴？

【Now財經台】中共「二十大」將於10月16日召開，花旗估計，「二十大」閉幕後北京或局部放寬防疫限制，但要到明年「兩會」後才正式重新開放經濟。不過，SAXO MARKETS市場策略師黃永輝認為，中共放棄「動態清零」政策與否，同政治時間表無關，反而內地疫情發展，以及各地政府有冇能力應對疫情先係主要考慮。

此外，花旗最新下調內地明年經濟增長預測至5.6%，但預期「二十大」將啟動新政治經濟周期，北京會重新聚焦經濟發展。

Redmond預期，中央未來會更著重改變過去30年，靠廉價勞動力及能源供應支持製造業嘅經濟發展模式。佢指出，國內勞動人口喺2015年見頂後，現時預期2030年開始將會大幅下跌，加上內地現時逾70%石油及40%天然氣用量倚靠進口，加上以美元定價，即使油價呈下跌趨勢仍要蝕唔少外匯，中共長遠會希望擺脫依賴，因此，預期「二十大」後應會延續「雙循環」等大政策方針。