【FINTERVIEW】港銀加息要望住樓市

【Now財經台】美國聯儲局今年累計加息3厘後，本港銀行終於有動作，本港3大發鈔行滙豐銀行、渣打銀行及中銀香港(02388)噚日先後宣布上調最優惠利率(P)0.125厘，不過，睇返以往嘅加息周期，香港一直跟唔上美國步伐，點評估香港同美國嘅不對稱加息？嚟緊港息走勢會係點？

Grow Investment Group首席經濟學家洪灝指，香港嘅息口走向都係會向上，但加息步伐唔會好似美國咁快，因為樓巿始終係香港嘅經濟命脈，如果加息幅度太大，就會重創樓巿。佢又認為，如果本港加息速度唔符合巿場預期，港股可能會受到衝擊，到時金融管理局就要出手。