【FINTERVIEW】零售、收租股只啱短炒？

【Now財經台】零售股及與收租股近排交投再度活躍，其中一個原因係炒作消費券效應，其實每次派發消費券期間，零售及收租股都短暫有「沖喜」作用，咁係咪反映呢啲股份只啱短炒，未必適合長揸？

樹仁大學經濟及金融學系助理教授袁偉基指，紅黃碼及縮短檢疫期可成為誘因，吸引長居外地港人返港旅遊，自然會帶動消費，不過，亦要考慮部分負面因素，若本港整體經濟情況唔理想，導致打工仔加薪幅度小、供樓負擔因加息而增加等，市民消費力自然減弱，若美國息口、內地及環球經濟前景較樂觀，零售股及收租股板塊短炒嘅情況會持久啲。