【名家給力場】Netflix食住《魷魚3》個勢再破頂？

【Now財經台】網上串流平台Netflix股價，近日補返4月初美國總統特朗普(Donald Trump)公布關稅政策後嘅裂口，仲要破埋頂，Netflix股價今年已累升37%，後市有冇力再破頂？

資深投資者莫家強認為，Netflix基本面強勁，雖然估值偏貴，但估值高嘅股票往往都升得勁。佢認為，Netflix即將推出全球熱爆劇集《魷魚遊戲 3》，相信會為Netflix帶嚟巨大收益，所以睇好Netflix前景。

Alex又話，雖然平台用戶增長放緩，但由於Netflix網上串流平台嘅廣告業務增長潛力大，所以只要公司節目質素keep到，加上廣告業務增長，相信Netflix發展空間仍然好大。