【名家給力場】美發動關稅戰自傷經濟？

【Now財經台】美國2月通脹降溫，整體消費物價指數(CPI)按年升2.8%，差過預期，而之前公布嘅2月消費者信心指數跌至98.3，錄得逾3年以嚟最大跌幅，而對未來12個月嘅通脹預期亦急升，由貿易戰引發嘅通脹對美國民眾影響有幾大?

資深銀行家王仕雄認為，貿易戰不單推高物價，亦令經濟增長放緩，對消費者及企業造成好大負面影響。美國總統特朗普(Donald Trump)關稅政策帶嚟極大不確定性，企業部署生產鏈及生產基地嘅成本都會增加，喺投資者信心大受打撃下可能選擇唔投資，會進一步損害美國經濟。

David又話，生產成本增加一定會導致通脹升溫，企業會將增加咗嘅成本轉嫁畀消費者，雖然昨日(12日)公布嘅通脹數據降溫，但由於數據有滯後因素，所以要留意未來2至3個月嘅數據，可以再判斷實際情況。