【名家給力場】非農數據唔係加息「真‧指標」？(上)

【Now財經台】美股周初大升後，近日都要跌，噚晚道指跌超300點，港股今日都跟跌，恒指再失守18000關。巿場觀望住今晚公布嘅非農就業數據，睇下有冇機會令聯儲局放慢加息步伐，係咪睇今晚出爐嘅數據，就大概知道聯儲局未來嘅加息部署？港股後巿又會點走？

勝利瑞柏基金管理合伙人暨投資總監陳建良指，依家巿場嘅方向係，一旦美國經濟數據差，聯儲局加息步伐就唔會咁快，係會有利股巿。不過，KL認為，依家估聯儲局之後嘅部署係言之尚早，因為就業情況根本冇出問題，所以靠差過預期嘅非農數據去評估美國加息步伐並唔合理。

KL又估計，短期而言，外圍嘅下跌趨勢唔會改變，因此，港股有機會進一步下試低位。