【名家給力場】11月前出現「金融黑洞」？(上)

【Now財經台】美國通脹維持高企，聯儲局就不斷加息，希望遏制通脹，主席鮑威爾更直言，不惜犧牲經濟都要繼續加息遏通脹，不過，去到依家似乎仲係遏唔到通脹。

勝利瑞柏基金管理合伙人暨投資總監陳建良指，依家聯儲局因為仲未遏制到通脹而繼續加息，而今年係加息加得最急嘅一年。根據通脹馬力，聯邦基金率應高於通脹預期2厘，同埋要維持兩年先可以遏制通脹。現時美國通脹屬於結構性通脹，而非需求性通脹，如果美息維持喺4厘至6厘，會對能源及金融業有負面影響，睇返美國10年期債券下跌幅度，今年債價跌咗約17%，係歷年最多，即代表加息加得好快，令金融機構喺穩定資產及負債之間更難取得平衡。

KL又話，負財富效應可以遏制通脹，但喺需求急跌下，可能會出現金融黑洞，更唔排除會喺11月出現，因此，未來要密切留意市場情況。