我的股票

    名稱 現價 升跌

    資料報價延遲十五分鐘

    標籤:分析

    【名家給力場】美股醞釀大跌市?

    【分析】 2021/09/14 18:25

    【Now財經台】港股走勢反覆,但美股繼續喺高位徘徊,不過,有分析指,未來6星期美股表現會較弱,加上依家美股估值唔平,又缺乏上升催化劑,令人擔心美股有回調壓力。美國8月CPI今晚就會出爐,市場預期按年升5.3%,結果隨時會扭轉市場氣氛。

    資深投資者莫家強指,投資者要居安思危,雖然部分大型科技股、舊經濟股強勢,但其實跌嘅股票愈嚟愈多,相反表現好啲嘅係相對穩陣嘅股票,仲可以吸引資金流入,反映市場資金風險胃納冇想像中咁大,個市亦未必可以好似上年咁大升特升。

    Alex又話,依家個市正慢慢轉差,資金愈係由高風險或波動性大嘅股票,流向表現穩陣嘅股票,通常幾個月內就會見到比較大型嘅跌市。