【郭明錤爆料】iPhone摺機明年來了！

【now.com財經】有「最強蘋果分析師」之稱，天風國際證券分析師郭明錤又有料爆，今次同市場期待嘅iPhone摺機有關。

郭明錤指，蘋果公司(Apple Inc.)預期會喺2026年及2028年，分別推出iPhone摺機及摺疊iPad，而康寧公司(Corning Incorporated)會獨家供應最關鍵嘅組件「超薄性玻璃」(Ultra-Thin Glass，UTG)。

佢又話，Apple最近向上修訂咗iPhone摺明年及後年出貨量，2026年增至介乎800至1000萬部，2027年就介乎2000至2500萬部。

Apple股價今年表現認真麻麻，暫時累跌逾5%，未來要留意iPhone摺機嘅消息，甚至正式推售後，可唔可以幫到股價。