【捱貴飲品雪糕？】熱浪襲日本 抹茶價格創新高

【now.com財經】日本飲食文化喺全球嘅影響力非常大，其中，抹茶(Matcha)喺全球嘅需求唔細，但未來涉及綠茶嘅飲品或食品，唔知會唔會加價？

日本近期錄得破紀錄嘅高溫令茶農叫苦連天，因為嚴重影響抹茶產量，導致原料茶葉價格破頂，每公斤飆1.7倍至逾8200日圓，折合逾440港元。據外媒引述京都1名茶農指，受高溫天氣影響，今年以來嘅收成較往年大減25%。

有美國相關公司指，雖然日本致力增加抺茶產量，但相信短期都好難解決短缺問題，估計抺茶價格會持續攀升。

據日本農森水產省數據顯示，去年包括抺茶在內嘅日本綠茶，出口額大増5%。此外，日本茶生產協會數據就顯示，日本抺茶原料茶葉碾茶(Tencha)去年產量較10年前飆2.7倍。