【股市脈搏】留意極兔2‧28成新貴後「跳得幾高」

【Now財經台】指數編制公司MSCI公布指數成分股季檢結果，其中，中國指數納入極兔速遞(01519)等8隻股份，受消息刺激，極兔股價今日(12日)高開2%，午後最多升6.7%，高見6.66元，收市報6.63元，升6.2%，成交股數較過去100日平均增2.4倍。

極兔股價低迷咗一段時長時間，雖然集團做咗幾十次回購，但只係可以托住股價唔使跌，股價一直喺6元水平浮沉，今日喺成交配合下造好，技術上，有輕微突破去年10月至今嘅橫行區頂部跡象，可以留意「換馬」喺2月28日生效後，會唔會有相關資金追入，令股價可以增加上升動力。