【期匯決算】高追黃金要「快買快沽」

【Now財經台】金價連日反彈，並重上10天線，本周暫時累升約5%，扭轉過去3周跌勢，金價似乎已消化咗「Trump Trade」帶嚟嘅大部分沽壓，年底前有冇機會重上每盎司2700美元？依家係咪時候入場？

MAX Online亞太區業務總監杜浩霆指，本周由俄烏戰事主導金價走勢，佢估計，短期內戰事唔會完結，金價已升穿之前阻力2685美元，相信好快會挑戰2700美元關口，甚至2710美元，佢建議，如果高追就要「快買快沽」，唔好揸得太耐，一旦突然傳嚟俄烏和談消息，到時金價就會轉跌。