【名家給力場】中東戰亂唔好高追油股 可吼…(下)

【Now財經台】以色列接連空襲伊朗，伊朗亦表明會報復，外電形容今次係上世紀80年代兩伊戰爭後，伊朗遭受最嚴重嘅襲擊。中東局勢持續惡化，港股亦連跌兩日，恒生指數今日(13日)失守24000關，並插穿10天線，一度低見23774點。不過，地緣局勢急升溫刺激金價、油價急升，金礦及石油相關股亦炒上，依家應唔應該追入呢啲板塊？

勝利證券首席顧問陳建良指，港股無可避免會出現調整，估計恒指高低波幅約500至1000點。佢又話，唔建議投資者追入今日大升嘅油股，反而可以留意一啲今日會跟大市跌，但長線值得睇好嘅股份，尤其係可受惠於人工智能(AI)嘅二線科技股，先可以做到低買高沽。