【專家分析】銅價開始發力唔好走漏眼

【Now財經台】金價今年表現強勢，更不斷破頂，現貨金價繼周一(6日)衝破每盎司3900美元，昨日(7日)更上到4000美元，而多家投行繼續睇好金價，高盛最新睇4900美元，投資者係咪可以繼續買金或金礦股，還是有其他更好嘅選擇？

資產管理董事盧志威指，黃金及港美股市嘅金礦股都係較好嘅選擇，另一項值得留意嘅投資係銅，除咗人工智能(AI)帶嚟嘅需求利好外，今年發生多宗銅礦事故，例如全球第2大銅礦印尼格拉斯伯格礦發生泥流事故，導致銅供應減少，帶動銅價開始發力追上嚟，佢相信，未來金價及銅價升勢好大機會更凌厲。