【專家分析】中國金融租賃引入新股東值得憧憬？

【Now財經台】中國金融租賃(02312)配股引入新股東，承配人係獨立第三方人士金鑫，同數字資產相關，中國金融租賃股價今日(6日)一度飆逾40%，高見1.81元，股價大升同今次配股有冇關？

博威環球證券金融首席分析師聶振邦認為，比特幣(Bitcoin)價格衝破12萬美元，再創新高係其中1個因素，帶挈唔少加密貨幣概念股升，再配合引入新股東，對中國金融租賃股價有正面刺激作用，亦利好後續發展。

聶Sir又話，公司之前曾出現股權易手，消息刺激股價由毫子股升呢變蚊股，加上集團屬第21章投資公司，限制咗唔可以做實業之類嘅商業活動，配股後，公司資金充裕咗，引入新股東亦應該有助釋放公司價值。